កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ២ បានរំកិលខ្លួនបន្តិច ម្តងៗ កាន់ត់តែកៀកជិតដល់វគ្គផ្តាច់ព្រ័ត្រ ។ អ្វីដែលគួរឱ្យចាប់អារម្មណ៍ជាងនេះទៅទៀតនោះ គឺបេក្ខនារី គួក ស្រីណូ បានក្លាយជាបេក្ខភាពទី ៦ ហើយ បន្ទាប់ពីបេក្ខជនទាំង ៥ រូប ដែលបាន របូតចេញពីកម្មវិធីដ៏ធំមួយនេះជាបន្តបន្ទាប់ បើគិតតាំងពីវគ្គ Lives Show សប្តាហ៍ទី ១ មក ។
ទិដ្ឋភាពការចាកចេញរបស់បេក្ខនារីជើងខ្លាំង គួក ស្រីណូ កាលពីយប់មិញនេះគេសង្កេតឃើញ ថា ពិតជាធ្វើឱ្យអ្នកទស្សនាមានការក្តុកក្តួលយ៉ាងខ្លាំង ដោយក្នុងនោះគេឃើញបេក្ខភាពម្នាក់ៗ ស្ទុះទៅអោបនាង ព្រមទាំងចូលរួមសម្តែងការសោកស្តាយរហូតដល់ស្រក់ទឹកភ្នែកថែមទៀត ផង ។
ស្របពេលនោះដែរ បេក្ខនារី គួក ស្រីណូ បានបង្ហាញការតាំងចិត្តយ៉ាងមុតមាំថា ទោះបីជាពេល នេះនាងត្រូវចាកចេញក៏ពិតមែន ប៉ុន្តែនាងក៏មិនមានការអស់សង្ឃឹមអ្វីនោះដែរ ហើយនាងនឹង បន្តការខិតខំប្រឹងប្រែងពង្រឹងសមត្ថភាពរបស់ខ្លួនឱ្យកាន់តែល្អថែមទៀតដើម្បីឆ្ពោះទៅកាន់គោលដៅនៃអាជីពចម្រៀងរបស់ខ្លួន ។
ជាមួយគ្នានេះបេក្ខនារីរូបនេះ ក៏បានយកឱកាសថ្លែងអំណរគុណចំពោះបងប្អូនទស្សនិកជន ទាំងអស់ដែលបានចំណាយថវិកា ក៏ដូចជាពេលវេលាផ្ទាល់ខ្លួនក្នុងការបោះឆ្នោតគាំទ្រ រហូតធ្វើ ឱ្យនាងអាចបន្តមកដល់វគ្គ Lives Show សប្តាហ៍ទី ៦ នេះ ។
ចង់ជ្រាបកាន់តែច្បាស់សូមទស្សនាវីដេអូខាងក្រោមនេះទាំងស្រុងដូចតទៅ៖ ប្រមាញ់តួ
0 comments:
Post a Comment