ក្រោយផ្ទុះរឿងអាស្រូវ ប៉ែន ចំរ៉ុង ធ្លាប់តែជាតួឯក ក្លាយជាតួរាយរង ក្នុងខ្សែភាពយន្តទៅវិញ(វីដេអូ)

ភ្នំពេញ៖ ក្រោយពីព័ត៌មានលែងលះ រវាងតារាស្រី ភិន សុដាលីស និងតារាសម្តែងប្រុស ប៉ែន ចំរ៉ុង បានធ្វើឲ្យទីផ្សារក្នុងសិល្បៈរបស់លោក មានការប្រែប្រួលខ្លាំងគួរឲ្យកត់សម្គាល់។ តួយ៉ាងដូចជានៅក្នុងរឿងថ្មី “ត្រកូលអ្នកប្រដាល់” ត្រូវបានគេសម្គាល់ឃើញឈុតលោក ប៉ែន ចំរ៉ុង បង្ហាញវត្តមានតែមួយប្លង់ប៉ុណ្ណោះ។
ភាគច្រើនប្រិយមិត្តធ្លាប់តែឃើញវត្តមានតារាប្រុសរូបនេះ ក្នុងតំណែងជាតួឯកនៃខ្សែភាពយន្តធំៗភាគច្រើន តែបន្ទាប់ពីផ្ទុះព័ត៌មានរកាំរកូសជាហូរហែរមក នាំឲ្យបណ្តាផលិតកម្មជាច្រើន មិនសូវដាក់លោកប៉ែន ចំរ៉ុង ជាតួឯកដូចកាលពីមុននោះទេ ពោលគឺបានត្រឹមតែជាតួកំប៉ិកកំប៉ុកទៅវិញ។
ជាក់ស្តែងដូចជាកាលពីពេលថ្មីៗនេះជាដើម នៅក្នុងខ្សែភាពយន្តថ្មីមួយ មានចំណងជើងថា «ត្រកូលអ្នកប្រដាល់» ត្រូវបានគេដឹងថា មានឈុតរបស់លោកប៉ែន ចំរ៉ុង សម្តែង តែមួយប្លង់ប៉ុណ្ណោះ ពេលឡើងប្រដាល់ជាមួយនាយគ្រឿន ហើយក្នុងសាច់រឿងនោះទៀតសោត ត្រូវបាននាយគ្រឿន ដែលសម្តែងជាកីឡាករប្រដាល់ភេទទី៣ ចាប់ថើបមាត់ រហូតដល់សម្រេចចិត្តចុះចាញ់ និងឈុតក្រោយៗទៀត បាត់មុខលោក ប៉ែន ចំរ៉ុងតែម្តង។
ទោះជាយ៉ាងណា វាជារឿងមួយមិននឹកស្មានដល់ថា លោក ប៉ែន ចំរុង ធ្លាប់តែជាតារាប្រុសជួរមុខនៅក្នុងវិស័យភាពយន្តខ្មែរ ពេលនេះស្រាប់តែធ្លាក់ខ្លូន មកថតជាតួរាយរងបែបនេះទៅវិញ៕ ប្រភព៖khmerload