តារាសម្ដែងស្រីដ៏សិចស៊ី ដេននី ក្វាន់ បានបោះសម្ដីមួយឃ្លានៅលើបណ្ដាញសង្គមហ្វេសប៊ុក ខណៈពេលដែលនាងបានឃើញសារព័ត៌មានក្នុងស្រុកមួយចុះផ្សាយពីតារាសម្ដែងកំពុងមានហាងឆេង អ្នកនាង សាត រស្មី ប្រកាន់ក្ជាប់តែតំណែងតួឯក ធ្វើឱ្យមានការចាប់អារម្មណ៍ខ្លាំងពីមហាជន ។
ការបង្ហោះសារមួយឃ្លាដ៏ទាក់ទាញពីតារាសម្ដែងស្រីរូបស្រស់ ដេននី ក្វាន់ បានរៀបរាប់យ៉ាងដូច្នេះថា «ហេតុតែគេល្បីនិយាយអីក៏សម…តាំងចិត្តជាអ្នកសិល្បៈហើយចាំបាច់អីប្រកាន់តួឯកតួរង?» ដែលទទួលបានការចាប់អារម្មណ៍ និងមានមតិជាច្រើនបានឆ្លើយឆ្លងទៅលើពាក្យសម្ដីមួយឃ្លាខាងលើនេះ។
ស្រីស្អាតដែលសម្ដែងជាតួឯកក្នុងបទ «ផ្កាយព្រះអង្គារ» កញ្ញា ដេននី ក្វាន់ បានបញ្ចេញយោបល់បែបនេះខណៈពេលដែលនាងបានឃើញសារព័ត៌មានក្នុងស្រុកមួយចុះផ្សាយពីតារាសម្ដែងរាងតូចច្រឡឹង អ្នកនាង សាត រស្មី ថា «តារាសម្ដែង សាត រស្មី អត់ទម្លាប់ថតតួរាយរងទេ» នៅលើទំព័រហ្វេសប៊ុកផ្លូវការរបស់នាង។
គួររំឭកផងដែរថា កាលពីពេលថ្មីៗកន្លងទៅនេះ តារាសម្ដែងកំពុងមានប្រជាប្រិយភាព សាត រស្មី បានប្រកាសប្រាប់អ្នកសារព័ត៌មាន ក៏ដូចជាទស្សនិកក្ដែងៗថា នាងសម្ដែងតែតួឯកតែប៉ុណ្ណោះ ចំពោះតួរងវិញនាងមិនទម្លាប់សម្ដែងឡើយ៕ BeBe
0 comments:
Post a Comment